ده طلع طيب أوي

فاكرين الدكتور أحمد الطيب

أيوه أيوه بتاع الأزهر

قصدي رئيس جامعه الأزهر

اللي أتسهوك و عمل مشكلة الطلبة و سماهم ميليشيات

و رفض أي أعتذار منهم برغم أنه هو المخطأ

و طلع في جميع القنوات الفضائية و أقسم كذبا وهو يعلم الحقيقة

وهو ما يسمى في الشرع باليمين الغموس

و التي سميت بالغموس لأنها ستغمس صاحبها في نار جهنم أنشاء الله

المهم جدا

أن الدكتور الطيب جدا اجدا

مطلعش دراع للحكومة و أمن الدولة بس

مطلعش بيخوف الطلبة و يضيع مستقبلهم بس

مطلعش بيهمش الطلبة و يخليهم أوعية للمناهج العقيمة و بس

الدكتور الطيب أراد طلبة تحفظ و تذاكر و تصم فقط

طلبة ملهاش دعوة بفلسطين ولا العراق ولا أنتخابات

ولا فساد ولا محليات ولا مجلس شعب

طلبة ملهاش دعوة بأسعار ولا بتزوير ولا بغاز يتصدر لأسرائيل

الراجل من جبروته عايز الطلبة يبقوا أنعام يأكلون و يتمتعون

و بعدين قال عايز يعمل أنتخابات أتحاد الطلبة

الطلبة رشحوا أنفسهم الأمن مرضيش فهو مرضيش

الطلبة أعتصموا أمام مكتبه

الأمن قال للطلبة حنجيبلكوا بلطجية زي اللي ضربوا طلبة جامعه عين شمس

الطلبة عايزين يوضحوا أنهم مش حيضربوا

عملوا كام كاته كونغوفو

قوم الدكتور الطيب الدنيا و مقعدهاش

و خلا الأمن يحاصر سكن الطلاب و يقتحمه و يعتقل الطلاب

.

الدكتور الطيب أوي طلع دراع أمن الدولة أيضا في الزراعة

ده السوبر جديد
.

أزاي

حضرتكم عارفين أزمة السولار

و مكن ري و حصاد و نقل القصب بيشتغل بالسولار

و الحكومة رافضة أن تزيد سعر أستلام القصب من المزارعين

مما يعني أن الفلاح سيتقلص مكسبه في محصول القصب

و عليه أن يتحمل فارق السعر و يواجه الغلاء في كل شيء

بمفرد

المزارعين أجتمعوا

و تناقشوا

و أعترضوا

و شكلوا وفد لمقابلة رئيس الجمهورية

و أعتزموا على التكتل لأسقاط مرشحي الحزب الوطني في المحليات

و كانوا يخططون لأيقاف توريد القصب للمصانع

حتى يتم زياة سعر التوريد

و كل هذه الخطوات دستورية و أيجابية و مش حرام ولا غلط ولا عيب

طب أيه علاقة عم الطيب بالموضوع

المزارعون المجتمعون في الأقصر فوجئوا بدخول بلادياتهم الدكتور الطيب و أخيه عليهم

وقال لهم

أسمائكم في أمن الدولة

.

و أنتم مش قد الحكومة

.

ولا حمل البوكس و ركوبه

.

فأثنى المزارعون عن المطالبة بحقوقهم المشروعه جدا

و خوفهم بفزاعه أمن الدولة

يا دكتور يا طيب

المنتظر منك و أنت عالم أزهري و مربي فاضل

أن تكون أيجابي و تحض الناس على الأيجابية

و أن تعلم الناس ألا يخافوا من أحد الا الله

و أن يطالبوا بحقوقهم المشروعه بكافة الطرق القانونية و المشروعه التي كفلها الدستور لهم

و لكن يا ألف خسارة أخترت أن تكون في ذيل التاريخ بدلا من أن تكون في المقدمه

أخترت أن يذكرك التاريخ كوالي عكه و بدلا من يذكرك كمحمد كريم

و بقيت طالع بكذا دور و شكل

.

الطيب في الأزهر

الطيب في القصب

.

و عقبال الباقي زي أسماعيل يس

.

الطيب في البحرية

الطيب في البوليس

الطيب في مستشفى المجانين

الطيب في .........ـ